HKBP BINANGA YANG TERANIAYA

TANGIANGHON HAMU MA HKBP BINANGA – RESSORT SIPIROK

HKBP Binanga, ima sada Huria sian 12 pagaran ni HKBP Ressort Sipirok. HKBP Binanga terletak di Jalan Raya Gunung Tua-Sibuhuan (200m sian jalan raya), Desa Binanga-Kec. Barumun Tengah Kabupaten Padang Lawas (kabupaten na baru sian pemekaran ni Kabupaten Tapanuli Selatan). Niuluhon ni Amang St. L. Situmorang na gabe Uluan Huria. Ruas na hot (terdaftar resmi) holan 5 KK, alai anggo na mandohoti tiap parmingguan lobi do sian 40 halak. Bahat na so ruas tetap, ala godangan do angka parkarejo kobun na ro mangaranto sian luat na asing tu kawasan Barumun Tengah. Tarbarita do sian na jolo anggo kawasan Padang Lawas Utara dohot Padang Lawas ima “daerah perkebunan sawit dan karet yang luas”. Ala ni i do bahat angka pangaranto ro tu daerah i lumobi sundut naumposo bekerja secara kontrak manang na so menetap sian luat na asing di angka perkebunan na adong di si. Ruas ni HKBP Binanga na menetap rata-rata boi dohonon ala ni pekerja tetap do nasida di pamarenta (isarana PNS manang POLRI). Adong do i pegawai ni Dinas Kehutanan, Guru, Polisi, Bidan Desa dohot angka lan na asing). Deba nari ro sian luat na asing jala mambuka kobun sawit di daerah i.

Metmet do anggo Gedung Gereja HKBP Binanga, ndang apala sebanding dohot angak Gedung Gereja na adong di kota, jala sian jalan raya marjarak 200 m.

Ari Minggu tanggal 1 Agustus 2010 naung salpu, laho do hami (selaku Parhalado Ressort) mendampingi Pandita Ressort mangebati Huria HKBP Binanga. Jarak tempuh sian HKBP Sipirok (Huria Sabungan) 2 jam marmobil pribadi.

Ala di Ari Minggu, tanggal 25 Juli 2010 tarsar do barita ima na naeng “hona tutung” ma gareja i. Barita i dikirim nasida hira-hira Ari Jum’at na i tu Pandita Ressort via Handphone. Siala ni i langsung do di kirim Pandita Ressort barita i muse tu sude Huria HKBP sa-Ressort Sipirok dohot tu angka Huria na di luar HKBP Ress. Sipirok, asa margogo martangiang tu Debata mangido pangurupion, asa marhuaso Debata manggagalhon angka tahi ni sibolis morhite rencana ni angka jolma na naeng manutung Gareja i, tarlumobi secara khusus di Kebaktian Minggu ma ditangianghon ima “tangiang pangondianon (doa syafaat)”. Martinangi do Debata di tangiangta i, jala sundat do rencana nasida i.

Alai udut ni i, di jou do Amang St. L. Situmorang tu Kantor Polisi asa menandatangani pernyataan “tidak akan lagi memakai gedung tersebut”. Jala menurut nasida, dibagasan na tertekan jala terpaksa do nasida maneken i, ala maminghirhon efek jauh ke depan molo so ra nasida maneken pernyataan i, “mungkin ra ndang holan Gedung Gareja i tutungon nasida, alai boi do merembet tu jabu ni angka ruas’, I ma pingkiran ni Amang St. L Situmorang, asa diteken nasida pernyataan i. Nasida maneken pernyataan i di jolo ni Ketua MUI dohot di jolo ni Aparat Kepolisian, ai halak i do na mangkonsepna.

Alai dipangido Amang St. L Situmorang ma, asa boi nasida mamangke Gedung Gareja i na terakhir sahali i ma di parmingguan tanggal 1 Agustus 2010 i, jala mangido Amang St. L. Situmorang tu Ketua MUI dohot Aparat Kepolisian asa boi mambahen Ibadah Minggu di jabu ni ruas alai ingkon dijamin nasida do keamanan-na. Jala dungkon ni i disanggupi angka na hadir di si do keamanan nasida (ruas ni HKBP Binanga) molo mambahen peribadatan di jabu-jabu (alai ndang adong pernyataan secara tertulis sian angka na manjamin i).

Dung simpul parmingguan di tanggal 1 Agustus 2010 i, mangan do hami saluhutna di Gareja i, sude hami tahe na ro mandohoti parmingguan. Dung simpul mangan dipatorang Uluan Huria (St. L. Situmorang) ma na masa i, paboa na i ma tingkina terakhir nasida dipaloas mamangke Gedung Gareja i, ala nungga diteken nasida pernyataan (songon na tarsurat diginjang). Jala tu minggu na ro ingkon marminggu ma nasida secara bergiliran di angka bagas ni ruas. Ditambai Amang St. L Situmorang do muse dohot hata na “menyemangati” angka ruas HKBP Binanga asa unang mandele jala ingkon marpos ni roha tongtong tu Debata

Ndung simpul Amang St. L Situmorang mandok hata diuduti ma muse sian Pandita Ressort (Pdt. Leritio Ariati Br. Panjaitan, STh) pasahathon hata apul-apul dohot semangat tu sude ruas ni HKBP Binanga. “Pemerintah boleh saja mengaturkan mengenai ijin pemakaian maupun pembangunan tempat beribadah seperti Gedung Gereja, tetapi tidak ada seorangpun di dunia ini yang bisa mengatur atau memberi ijin mengenai hak seseorang untuk beribadah menurut keyakinan yang dia miliki karena seseorang boleh melakukan Ibadah-nya terhadap Tuhan yang dia sembah, dimana saja dan kapan saja tanpa ada seorangpun yang berhak untuk mengatur, memberi ijin atau melarangnya karena itu hak yang hakiki dan asasi dari manusia yang beragama.” Ala ni i, unang hamu mandele, ala ndang hea halak Kristen mandele ala na masa sisongonon, bahkan lam margogo do. “semakin dibabat, semakin merambat” ingkon i do na adong dibagasan rohanta. Jesus sandiri pe ingkon bolusonNa do mate di hau na pinarsilang nata pe ndang boi hamatean i manaluhon diriNa, asa dapot hita hangoluan na imbaru.

Ndang na parjolo hamu mengalami sisongonon, adong HKBP Filadelfia na tongon mangadopi sisongonon, adong HKBP Sibuhuan yang bahkan sudah dibakar, dohot angka Gereja na asing. Menurut cerita na hubege, sebenarna najolo dung ditutung nasida HKBP Sibuhuan dohot Gareja Pentakosta di Kota Sibuhuan, bergerak do nasida tu Binanga on sian Sibuhuan naeng manutung muse Garejanta on. Alai lam leleng lam otik ma jolma na bergerak tu Binanga on (mulak sada-sada) ujungna ndang jadi be. Ala nii lam margogo ma hita martangiang di angka bagas-ta be asa tongtong hita dipargogoihon Debata. Jala..sambil ta lului dalan laho pasinghophon sude syarat na marpardomuan tu perijinan ni Pendirian/Pemakaian Gedung Gareja on…sude ma hita bekerja sama laho tu si. I ma kira-kira inti ni hata na dipasahat Pandita Ressort.

Jala ndung simpul manghatai…ditutup hami ma (panurat) parpunguan i morhite tangiang.

Sebagai tambahan dipatorang hami…anggo masyarakat piga-piga desa (dohot Kepala Desa-na be) di Kec. Barumun Tengah na adong disekitar ni HKBP Binanga ndang adong na keberatan taringot tu Gareja i. Jala denggan do nasida bertetangga dohot piga-piga ruas (termasuk uluan Huria) ni HKBP Binanga. Gareja i pe ndang apala di topi dalan, alai masuk do tubagasan hira-hira 200m. Menurut piga-piga ruas…sumber persoalan on ima adong provokasi sian pemilik pesantren na adong disi (hape pesantren I pe dao do sian Gareja i). Anggo masyarakat di sekitar i ndang terpengaruh…alai merambat ma dibahen persoalan on tu Pemuka Agama dohot Aparat Keamanan dohot sude pesantren na adong di Kab. Padang Lawas i.

Ala ni i angka dongan sahaporseaon,…dibagasan unduk dohot serep ni roha hami mangidohon tu hita saluhutna, asa taboan ma HKBP Binanga (sude parhalado nang ruasna pe) di angka tangiangta be diganup tingki. Asa dilehon Debata tunasida nang hita saluhutna benget ni roha laho manaon i saluhutna, jala tong-tong dibagasan haporseaon natogu dohot na tontu tu Debata. Jala tatangiangkon donganta na marsogo ni roha tu hita tarlumobi tu angka donganta di HKBP Binanga, asa dilehon Debata hamubaon ni roha.

Horas tondi madingin, pir tondi matogu…Horas ma dihita saluhutna!